Te midde van die bedrywige Hoofstad Pretoria is daar 'n betowerende tuin met 310 Madeliefies. Elke student op die Tukkies kampus is afgunstig op hierdie unieke tuin - Huis Madelief - en ons is trots daarop om te sê dat ons die dames op kampus is. Om 'n huis weg van die huis af te vind tussen al die bedrywighede van die universiteitslewe kan soms 'n uitdaging wees, maar die liefde en vriendskap wat ervaar word by Madelief maak die oorgang en aanpassing 'n onvergeetlike ervaring.
Die vriendinne en herinneringe wat jy maak gedurende jou tyd in Madelief sal vir ewig in jou hart bly.
Nuus
Die Fakulteit Geesteswetenskappe se Mandeladag-projek: Prof De la Rey skenk boeke om geletterdheid onder kinders aan te moedig - 19/06/2013
Tydens ’n seremonie wat op 4 Junie 2013 gehou is, het die Visekanselier en Rektor, prof Cheryl de la Rey, vier boeke aan die Fakulteit Geesteswetenskappe geskenk as haar bydrae tot hul Mandeladag-projek.
Die boeke wat sy geskenk het, was haar gunstelingboeke gedurende haar kinderjare. Sy het die Fakulteit gelukgewens met hul keuse van so ʼn waardevolle projek wat sou voortgaan om kinders aan te moedig om te lees lank nadat die Mandeladag-vieringe reeds verby was. Sy het die waarde van lees as ʼn manier om die wêreld te verken beklemtoon en het die volgende opmerking deur mnr Mandela aangehaal: “Education is the most powerful weapon which you can use to change the world.”
[Lees Meer]
FABI-direkteur gekies as volgende President van IUFRO - 19/06/2013
Prof Mike Wingfield, die Direkteur van die Instituut vir Bosbou en Landboubiotegologie (FABI) in die Universiteit van Pretoria se Fakulteit Natuur- en Landbouwetenskappe, is in Junie 2013 as die volgende President van die Internasionale Unie van Bosbounavorsingsorganisasies (IUFRO) gekies.
Hy is die eerste persoon uit Afrika wat hierdie gesaghebbende pos sal beklee en sy dienstermyn sal oor vyf jaar, vanaf Oktober 2014 tot Oktober 2019, strek.
[Lees Meer]
Nuwe leerstoel in Departement Mynbou-ingenieurswese sal help lewens red - 18/06/2013
Navorsing oor ‘n veiliger werksomgewing in die harderotsmynbedryf sal voortaan ‘n baie spesifieke fokusgebied by die Universiteit van Pretoria (UP) wees. Dit volg nadat Harmony Gold Mining Company Limited (Harmony) ‘n skenking van R4,7 miljoen oor 3 jaar aan UP gedoen het vir die totstandkoming van ‘n Leerstoel in Rotsingenieurswese en Numeriese Modellering in die Mynbedryf.
[Lees Meer]
TuksRugby kraai koning in die 2013 Carlton-liga - 16/06/2013
Op Saterdag15 Junie het TuksRugby hul oppergesag in Blou Bulle-klubrugby bewys deur al vyf die kampioenskapstitels waarvoor daar in die 2013 Carlton-liga gespeel is in te palm.
Die topprys was die gesogte Carltonbeker, daardie stukkie silwerware waarop UP-Tuks 1 verlede jaar net-net nie hul hande kon lê nadat hulle in die eindstryd met 23–27 deur Polisie geklop is nie.
[Lees Meer]
UP steek grense oor met toerisme - 13/06/2013
Die Fakulteit Geesteswetenskappe van die Universiteit van Pretoria is onlangs deur twee akademiese personeellede op die Atlas Africa konferensie in Kigali, Rwanda, verteenwoordig. Mnr. Richard Wyllie (Departement Historiese en Erfenisstudies) en Professor Chris Boonzaaier (Departement Antropologie en Argeologie ) het albei referate gelewer.
Die Rwanda Tourism University College (RTUC) het vir die eerste keer as gasheer opgetree vir die agtste twee-jaarlikse konferensie wat vanaf 3 tot 5 Junie 2013 gehou is.
[Lees Meer]
Teaterhoogtepunte: "Chasing" en "As Night Falls" - 11/06/2013
Die produksies Chasing (gebaseer op die lewe van Ingrid Jonker) en As Night Falls (gebaseer op die lewe van Helen Martins) word binnekort by die Maskerteater van die Universiteit van Pretoria opgevoer.
Hierdie produksies word aangebied deur die Dramadepartement en die Matchbox Theatre Collective. Beide produksies se choreografie is deur Nicola Haskins behartig. Maak seker dat jy nie hierdie produksies mis voordat hulle na Smithfield en die Nasionale Kunstefees in Grahamstad vertrek nie. As Night Falls het in 2011 'n "Standard Bank Ovation Award" ontvang.
[Lees Meer]
Bemarking-honneursstudente beïndruk Newsclip - 10/06/2013
Deel van die BComHons (Bemarkingsbestuur)-program is om studente met praktiese vaardighede toe te rus wat hulle as jong bemarkers in die bedryf sal benodig. Om hierdie doel te bereik, het die Departement Bemarkingsbestuur ’n vennootskap met Newsclip aangegaan.
Die vennootskap het studente in staat gestel om media-monitering in die gedrukte, uitsaai-, aanlyn- en sosiale media uit te voer deur Newsclip se verskeie beskikbare platforms te benut.
[Lees Meer]
.jpg)
Tydens ’n seremonie wat op 4 Junie 2013 gehou is, het die Visekanselier en Rektor, prof Cheryl de la Rey, vier boeke aan die Fakulteit Geesteswetenskappe geskenk as haar bydrae tot hul Mandeladag-projek.
Die boeke wat sy geskenk het, was haar gunstelingboeke gedurende haar kinderjare. Sy het die Fakulteit gelukgewens met hul keuse van so ʼn waardevolle projek wat sou voortgaan om kinders aan te moedig om te lees lank nadat die Mandeladag-vieringe reeds verby was. Sy het die waarde van lees as ʼn manier om die wêreld te verken beklemtoon en het die volgende opmerking deur mnr Mandela aangehaal: “Education is the most powerful weapon which you can use to change the world.”
.jpg)
Prof Mike Wingfield, die Direkteur van die Instituut vir Bosbou en Landboubiotegologie (FABI) in die Universiteit van Pretoria se Fakulteit Natuur- en Landbouwetenskappe, is in Junie 2013 as die volgende President van die Internasionale Unie van Bosbounavorsingsorganisasies (IUFRO) gekies.
Hy is die eerste persoon uit Afrika wat hierdie gesaghebbende pos sal beklee en sy dienstermyn sal oor vyf jaar, vanaf Oktober 2014 tot Oktober 2019, strek.
.jpg)
Navorsing oor ‘n veiliger werksomgewing in die harderotsmynbedryf sal voortaan ‘n baie spesifieke fokusgebied by die Universiteit van Pretoria (UP) wees. Dit volg nadat Harmony Gold Mining Company Limited (Harmony) ‘n skenking van R4,7 miljoen oor 3 jaar aan UP gedoen het vir die totstandkoming van ‘n Leerstoel in Rotsingenieurswese en Numeriese Modellering in die Mynbedryf.
Op Saterdag15 Junie het TuksRugby hul oppergesag in Blou Bulle-klubrugby bewys deur al vyf die kampioenskapstitels waarvoor daar in die 2013 Carlton-liga gespeel is in te palm.
Die topprys was die gesogte Carltonbeker, daardie stukkie silwerware waarop UP-Tuks 1 verlede jaar net-net nie hul hande kon lê nadat hulle in die eindstryd met 23–27 deur Polisie geklop is nie.
.jpg)
Deel van die BComHons (Bemarkingsbestuur)-program is om studente met praktiese vaardighede toe te rus wat hulle as jong bemarkers in die bedryf sal benodig. Om hierdie doel te bereik, het die Departement Bemarkingsbestuur ’n vennootskap met Newsclip aangegaan.
Die vennootskap het studente in staat gestel om media-monitering in die gedrukte, uitsaai-, aanlyn- en sosiale media uit te voer deur Newsclip se verskeie beskikbare platforms te benut.
Geredigeer deur: Tshegofatso Ndabane