Adviesraad

Die Adviesraad van die Fakulteit Ekonomiese en Bestuurswetenskappe is in 2005 gestig. Die doel van die Adviesraad is om raad aan die Fakulteit te bied rakende die opvoedkundige, navorsings- en gemeenskapsdiensprogramme van die deelnemende departemente. Hierdie raadgewing het die strategiese posisionering van die Fakulteit ten doel, asook die handhawing van die Fakulteit en deelnemende departemente se akademiese standaarde rakende kwaliteit en relevansie volgens die openbare en privaatsektor se verwagtinge.

Samestelling van die Adviesraad:

Die Adviesraad bestaan uit minstens tien genomineerde lede wat aktief in die openbare en privaatsektor werksaam is. Hierdie nominasies word deur die Fakulteit gemaak en deur die Viserektor goedgekeur.

2012 Adviesraadslede:

Adviesraad-vergaderings

Die Adviesraad vergader minstens twee maal per jaar. Die voorsitter kan tussentydse vergaderings skeduleer, sou enige raadslid dit versoek. ’n Kworum bestaan uit minstens drie genomineerde lede, die viserektor en die dekaan of hul aangewysde verteenwoordigers. Elke raadslid het een stem by vergaderings. Besluite word deur middel van die meerderheidstemme van die aanwesiges geneem. Sou die stemme staak, het die voorsitter die beslissende stem.

Funksies van die Adviesraad

Die Adviesraad oorweeg en gee raad oor:

· die strategiese planne en huidige inisiatiewe van die Fakulteit;

· die prestasie van die Fakulteit; en

· enige ander saak waaroor die Fakulteit raad wil inwin.