Drie Tuks-atlete in die voorlopige span vir die Londense Olimpiese Spele ingesluit

Caster Semenya

Van Zyl en Semenya se keuring berus op hul puik vertonings tydens die IAAF se Wêreldkampioenskaptoernooi wat verlede jaar in Daego, Korea gehou is waartydens albei medaljes verower het, asook die feit dat hulle in die loop van die seisoen aan die vereistes vir kwalifisering voldoen het. Mundell se plek in die span is verseker deur sy uitstaande vertoning toe hy enkele weke gelede tydens die IAAF Wêreldstapkampioenskapbyeenkoms in Saransk, Rusland nie net sy eie SA-rekord verpletter het nie, maar ook die Afrikarekord vir die 50 km-stap verbeter het.

Saskok het aangekondig dat atlete wat nog nie in die span is nie, tot die einde van Junie tyd het om hul name by die finale lys vir die SA Olimpiese span te voeg. Vyf Tuks-atlete wat moontlik op ’n plek in die span aanspraak kan maak, neem tans aan atletiekbyeenkomste in Europa deel. Die finale span sal in Julie aangekondig word.