Tuks word as Klubatletiekkampioene gekroon

Deur Danie Cornelius

Gelaai op 08 April 2012

LJ van Zyl

Tuks was die wenners van die eerste Geelbladsye Interklub-Atletiekkampioenskap wat op Donderdag 5 April by die ABSA TUKS-stadion gehou is.

Die Tuks-atlete was op hulle stukke en kon die aanslag deur sewe ander spanne die hoof bied om die eerste prys van R100 000 te verower.

Alhoewel daar talle uitmuntende vertonings was, het Tuks se LJ van Zyl ongetwyfeld vir een van die hoogtepunte gesorg toe hy die laaste item van die aand, die 400 m hekkies, gewen het. Met sy wentyd van 49.42 s het hy die mees onlangse atleet geword om vir die Olimpiese Spele in Londen te kwalifiseer.

Ten spyte van die aanvanklike sterk teenstand van die PUKKE het Tuks op die ou end oortuigend geseëvier. Die finale puntetellings was soos volg:

1 TUKS                                133.5
2   NWU-PUKKE                  115
3   Kovsies                             98.5
4 UJ                                       88
5 Maties                                85
6 Tygerberg-Northlink        76
7 Bellville                              75.5
8 NMMU                                49.5

<< Terug na die nuuslys

Bookmark this page:

TuksSport Clubs

Geredigeer deur: Alet van der Merwe