Studentelewe

Daghuise

As jy nie in 'n koshuis is nie, maar jy wil graag 'n lekker studentelewe hê, moet jy by een van die Daghuise op kampus aansluit. Dit bied jou die geleentheid om deel te neem aan georganiseerde studentelewe-aktiwiteite - Jool, sport, kultuur, sosiaal en sommer net PRET!

Jy kan by enige van die amptelike Daghuise aansluit: Zeus, Vividus Mans, Vividus Dames of Luminous.  Slegs dagstudente (studente wat in privaat-akkommodasie woon) mag aan 'n Daghuis behoort.

BELANGRIK: Studente mag aan 'n Daghuis EN Fakulteitshuis behoort, aangesien die twee strukture verskillende aspekte van studentelewe vervul.

Moenie uitmis nie - sluit aan by die Daghuis van jou keuse tydens Verwelkomingsdag 2013 in die Studentesentrum (Piazza).