Navorsing deur dr Roula Inglesi-Lotz lok belangstelling van die 'University World News'

In hul artikel getiteld “The Influence of Scientific Research Output of Academics on Economic Growth in South Africa: An autoregressive distributed lag (ARDL) application”, wat in die joernaal Scientometrics gepubliseer is, argumenteer hulle dat Suid-Afrika se akademiese navorsingsuitset – gepubliseerde artikels soos teen die res van die wêreld opgemeet – as ’n faktor beskou kan word wat die land se ekonomiese groei soos deur die bruto binnelandse produk (BBP) bepaal, beïnvloed. Die bestaan van so ’n verhouding kan ’n kragtige instrument wees in die Suid-Afrikaanse wetenskap-en-tegnologie-gemeenskap se doelwit om skaars hulpbronne te ontwikkel.