University of Pretoria Logo
English |  Afrikaans |    
  

Nuus & gebeure

Ekspert ekonoom keer huis toe as direkteur
School of Public Management and Administration
Gelaai op 23 Sep 2014

Prof Margaret Chitiga-Mabugu is vanaf 1 September 2014 as direkteur en hoof van die Skool vir Openbare Bestuur en Administrasie (SOBA) aangestel.



[Lees Meer]

Castle Lager, Mark Boucher en die Veterinęre Genetikalaboratorium plaas renosters in veilige hande
Louise de Bruin
Gelaai op 19 Sep 2014

Die krieketster Mark Boucher is nie net ‘n sportkampioen nie, maar ook ‘n toegewyde mens wat daadwerklik help om renosters teen uitwissing te beskerm. Na sy uittrede uit krieket het hy saam met Castle Lager die Castle Lager Boucher Erflating – Renosters in Veilige Hande gestig. Boucher het besluit om spesifiek die UP se Veterinęre Genetikalaboratorium (VGL) te ondersteun en wil genoeg geld insamel om al die renosters in Suid-Afrika op die DNS-databasis van die VGL, bekend as RhODIS, te registreer.

[Lees Meer]

Ontsluit die geheime van weerlig
Ansa Heyl
Gelaai op 19 Sep 2014

In Suid-Afrika sterf daar elke jaar ongeveer 80 tot 100 mense as gevolg van weerlig, en nagenoeg sewe keer soveel mense word getref en oorleef. Dr Ryan Blumenthal, ’n senior spesialis in die Departement Forensiese Geneeskunde in die Fakulteit Gesondheidswetenskappe by die Universiteit van Pretoria se, doen al langer as tien jaar navorsing oor die uitwerking van weerlig op die menslike en die dierlike liggaam en is baie kundig oor die risiko’s wat met hierdie wispelturige en onvoorspelbare natuurverskynsel gepaardgaan.

[Lees Meer]

Sedibeng Water en UP
Myan Subrayan
Gelaai op 15 Sep 2014

Op 9 September 2014 het die Departement Chemiese Ingenieurswese die die Sedibeng Water-leerstoel in Waterbenuttingsingenieurswese bekend gestel. Hierdie leerstoel is 'n samewerkingsinisiatief vir navorsing tussen UP en Sedibeng Water. Die geleentheid is bygewoon deur sleutelrolspelers in die bedryf en UP-personeel. Sleuteltoesprake is gelewer deur UP se prof Roelf Sandenbergh, prof Philip de Vaal, prof Evans Chirwa en mnr R Takalani, Direkteur: Korporatiewe Dienste en Waarnemende Hoof Uitvoerende Beampte van Sedibeng Water.

[Lees Meer]

UP werk saam aan ’n projek om honger en ondervoeding die hoof te bied
Ansa Heyl
Gelaai op 12 Sep 2014

Die Universiteit van Pretoria (UP) sal een van die instansies wees wat saamwerk aan ’n reeks projekte wat gebaseer is op die beste idees en strategieë wat węreldwyd gegenereer is om oplossings te vind vir die honger en ondervoeding wat in sommige van die węreld se mees meedoënlose landboustreke aangetref word.

[Lees Meer]

Navorsing oor sensoriesevoedselwetenskap weerklink in Afrika
Department
Gelaai op 11 Sep 2014

Prof Riëtte de Kock van die Departement Voedselwetenskap aan die Universiteit van Pretoria (UP), het in Augustus ’n volsittinglesing, getitel ‘Navorsing oor sensoriesevoedselwetenskap wat weerklink in Afrika’, gelewer op die Internasionale Unie vir Voedselwetenskap en Tegnologie (IUFoST) se Węreldkongres oor Voedselwetenskap en Tegnologie in Montreal, Kanada. In die lesing het prof De Kock verduidelik hoekom sensoriesevoedselwetenskap baie belangrik is vir voedselsekerheid en ekonomiese ontwikkeling in die ontwikkelende węreld, veral in Afrika.

[Lees Meer]

Dekaan van Opvoedkunde verkies tot ondervoorsitter van SA Akademie vir Wetenskap en Kuns
Faculty/Fakulteit
Gelaai op 11 Sep 2014

Prof Irma Eloff was tydens die onlangse Raadsvergadering van Die Suid-Afrikaanse Akademie vir Wetenskap en Kuns verkies tot Ondervoorsitter.

[Lees Meer]

Tukkie-student wen prestige-musiekkompetisie
Marielle Labuschagne
Gelaai op 09 Sep 2014

Tydens ‘n glansgeleentheid in die Musaion Teater op die Universiteit van Pretoria (UP) se Hatfieldkampus die aand van Saterdag 6 September, is UP student Willem de Beer aangewys as die algehele wenner van die Afrikaanse Taal-en-Kultuurverening (ATKV) se nasionale instrumentale klassiekemusiekkompetisie, ATKV-Muziq. Willem se leermeester is UP se legendariese professor Joseph Stanford.

[Lees Meer]

Stewige wetenskaplike navorsing vir batebestuursbesluite
Ansa Heyl
Gelaai op 08 Sep 2014

Die onlangs gestigte Leerstoel in Instandhoudingsingenieurswese in die Sentrum vir Bate-integriteitsbestuur (S-BIB) in die Departement Meganiese en Lugvaartingenieurswese aan UP het sterk befondsingsondersteuning gekry van Weir Minerals Africa, ’n maatskappy wat ingenieursoplossings verskaf vir kliënte in die mineraal-, olie-en-gas- en kragmarkte. Hierdie ondersteuning sal die Sentrum se meesters- en PhD-navorsingsprogramme versterk, met spesiale klem op toestandmonitering en megatroniese stelsels. Die ondersteuning van Weir Minerals is verdere bewys van die belang van die Sentrum vir die bedryf, aangesien ander vooraanstaande maatskappye soos Exxaro, Eskom en Rand Water hulle ook tot befondsingondersteuning vir die volgende vyf jaar verbind het.

[Lees Meer]

Nuwe navorsingstema vir Geesteswetenskappe: Die Kind en die Storie
Faculty/Fakulteit
Gelaai op 08 Sep 2014

In Augustus is ‘n nuwe navorsingstema van die Fakulteit Geesteswetenskappe, ‘Die Kind en die Storie’, met dr Molly Brown van die Departement Engels as direkteur, van stapel gestuur. Die Fakulteit se ander vyf navorsingstemas is: 'Verbetering van die Welsyn van Weerlose Kinders', 'Vrede en Konflik', 'Suidelike Moderniteite', 'Visuele Tegnologieë – Kritieke Ontmoetings' en die 'Program in Mense-ekonomie'.

[Lees Meer]

 
 
« Back... 1 ...Next »
 
«Besigtig Argiewe  |   Subscribe to 's news feed Subscribe to UP's Main news feed