Hoe kan studiefooie betaal word?

Opsie 1 : Kaartbetalings

Kaartbetalings (kredietkaarte) kan aanlyn gedoen word maar ook by die UP kassiere of telefonies by +27 (0)12 420-3111.

Opsie 2 : Direkte inbetalings in die Universiteit se bankrekenings kan by ABSA en Standard Bank of via die webwerf van u eie bank gemaak word. Die inbetalingstrokie moet vir verwysingsdoeleindes bewaar word. Besonderhede van die rekenings is soos volg:

ABSA	STANDARD BANK
Tak: Hatfield Takkode: 63 2005 Rekeningno: 214 000 0054	Tak: Hatfield Takkode: 01 15 45 15 Rekeningno: 01 260 260 4 Gebruik asseblief die M65-depositostrokie van Standard Bank, indien beskikbaar .
Meld altyd die studentenommer op die depositostrokie. Sonder u studentenommer kan u betaling nie verwerk word nie.

Let wel:

Kaart- en bankbetalings word deur middel van bondelverwerkings deur die banke aan die Universiteit deurgegee. Die betaling sal dus nie op dieselfde dag op u rekening verskyn nie. Normaalweg neem bankprosessering minstens twee werksdae.

Tjekbetalings wat nie met ‘n bankgewaarborgde tjek gemaak word nie is onderhewig aan ‘n klaringstydperk van 10 werksdae.

'n Afskrif van die depositostrokie kan aan +27 (0)12 420-5117 gefaks word.

Opsie 3 : Kassiere is beskikbaar in die Kliëntedienssentrum (Hatfieldkampus) tussen 08:00 en 16:00 op weeksdae. Kassierepunte is ook op ander kampusse beskikbaar.

Korting by vroeë betaling van rekening

'n Korting van 2.5% op gelde ten opsigte van onderrig-, losies-en etegelde word toegestaan indien 'n student se rekening teen 31 Maart ten volle vereffen is.

Let wel: Die korting word gebaseer op die bedrag wat die student self betaal.UP beurse en lenings en NSFAS lenings is hiervan uitgesluit.

Jou vinnige skakels na...

Geredigeer deur: Dawie Roux