Sellulêre en Molekulêre Geneeskunde

Die Universiteit van Pretoria se Instituut vir Sellulêre en Molekulêre Geneeskunde is in pas met die Universiteit se strategie wat daarop gemik is om die gehalte van wetenskaplike navorsing te verbeter en om die Universiteit se algemene status te verhoog met verhoogde vlakke van uitnemendheid.

Die Instituut bestaan al bykans drie jaar en het ’n stewige grondslag gelê waarop dit met rasse skrede kan groei. Die Instituut is betrokke by navorsing in die volgende rigtings: aansteeklike siektes, leefstylsiektes en neurologiese siektes.

Met die oog op die toekoms, sal die Instituut aanpas by nasionale behoeftes namate hulle aan die lig kom en gestalte kry. Dit is vanselfsprekend dat die siektes wat hierbo genoem word, omvangryk is wat hul epidemiologiese kenmerke betref. Verskeie uitgebreide vakrigtings is geïdentifiseer om die fokus van die Instituut se bedrywighede te verfyn, en sluit die volgende in: genetika/genomika, selgebaseerde terapie, bio-entrepreneurskap en wetgewing/reguleringsomgewing.
Gesien vanuit ’n strategiese en bestuursoogpunt is die Instituut geïntegreer by die akademiese en bedryfstrukture van die Universiteit van Pretoria en word dit deur die Fakulteit Gesondheidswetenskappe bestuur.

Die Instituut is in wese ’n navorsingsfasiliteit met die klem op multidissiplinêre en oorkruisingstegnologieë. Dit geld die Fakulteit Gesondheidswetenskappe en die Universiteit as geheel. Die volgende departemente/afdelings in die Fakulteit Gesondheidswetenskappe is tans by projekte met die Instituut betrokke: Anatomie, Hematologie, Immunologie, Aansteeklike Siektes, Verloskunde en Ginekologie, Pediatrie, Farmakologie, Fisiologie, Fisioterapie, Plastiese Snykunde en Sielkunde. Die volgende fakulteite is tans betrokke by projekte met die Instituut: Ingenieurswese, Geesteswetenskappe, Natuur- en Landbouwetenskappe, Teologie en Veeartsenykunde.

Met die oog op verwesenliking van sy doel om bemarkbare oplossings in gesondheidsorg te bied, is die Instituut in werksverhoudings met die privaatsektor gewikkel, met die gevolg dat die kultuur en vaardighede van die privaatsektor aan die Instituut oorgedra word. Hierdie oordragingsproses is in voeling met veranderende modelle in die akademiese sektor.

As gevolg van die evolusionêre ontwikkeling van die Instituut, bestaan dit tans as ’n virtuele entiteit. Die medium- tot langtermynoogmerk vir die Instituut is dat dit nuwe geriewe sal betrek in ’n gebou wat by die Universiteit se Prinshofkampus opgerig gaan word.

Kontakpersoon:
Prof. Michael Pepper
E-pos: michael.pepper@up.ac.za
Telefoon: +27 12 420 3845

Nuus