University of Pretoria Logo
English |  Afrikaans |    
  
Mnisi Community Programme

Nuus

Teologie-navorsers ontvang erkenning by die Nasionale Navorsingstigting - 14/11/2014
Prof Hans van Oort se A-gradering van die NNS is onlangs vir die volgende vyf jaar hernu, terwyl prof Etienne de Villiers ín C2-gradering van die NNS ontvang het. Dit bring die Fakulteit Teologie se gegradeerde navorsers op 16 te staan Ė een A, een B, 13 C's en een Y.
[Lees Meer]
 
UP navorser vind maniere om die welstand van wild te verbeter - 07/11/2014
Hoewel wilde diere jare lank reeds gevang en chemies geÔmmobiliseer word (met ín verdowingmiddel in ín pyltjie), bestaan daar min kennis oor die kort- en langtermyngevolge van die vangs van wilde diere en die uitwerking wat immobiliseermiddels op hulle het. Dr Leith Meyer, ín navorser in farmakologie in die Fakulteit Veeartsenykunde aan die Universiteit van Pretoria, is daartoe verbind om antwoorde te vind ten einde die welstand van wilde diere te verbeter. Die resultate van sy navorsing sal wildveeartsenykundiges en ander bewaringspraktisyns help om seker te maak dat die beste vangmetodes en optimale immobiliseermengsels en behandelings gebruik word.
[Lees Meer]
 
Nuwe navorsing gee weerloses ʼn stem in die hof - 06/11/2014
Die omvang van misdade teen mense met ontwikkelings- en ander gestremdhede is gelykstaande aan misdade teen vroue, kinders en bejaardes, maar daar word nogtans nie veel aandag aan hul viktimisasie gegee nie. Dit kan daaraan toegeskryf word dat hulle as stilswyende en onsigbare lede van die samelewing gesien word Ė ín beskouing wat daartoe lei dat hulle aantreklike teikens vir misdadigers is wat glo dat hierdie slagoffers nie in die hof teen hulle sal kan getuig nie. Drie grootskaalse navorsingstudies word tans by die Universiteit van Pretoria (UP) gedoen om hierdie situasie om te keer.
[Lees Meer]
 
Dr Johan van Zyl aangewys as Sunday Times-sakeleier van die jaar - 05/11/2014
Dr Johan van Zyl, voormalige Visekanselier en Rektor van die Universiteit van Pretoria en een van die Universiteit se mees vooraanstaande alumni, is Dinsdagaand 28 Oktober op ín plegtigheid by die Sandton-konvensiesentrum as die Sunday Times-sakeleier van die jaar aangewys. Hierdie toekenning is ín gesogte akkolade waarmee ontvangers vereer word op grond van ín stemming deur bestuurslede van die 100 topmaatskappye van die voorafgaande jaar.
[Lees Meer]
 
UP verkry status as MNR-samewerkingsentrum vir malarianavorsing - 30/10/2014
Die Mediese Navorsingsraad (MNR) het hoŽronderwysinstellings, wetenskaprade en geregistreerde navorsingsorganisasies sonder winsoogmerk in Suid-Afrika, Zimbabwe en Mosambiek genooi om aansoeke in te dien om deel van die MNR se nuwe inisiatief, MNR-samewerkingsentrums vir Malarianavorsing, te word. Die Universiteit van Pretoria se Sentrum vir Volhoubare Malariabeheer (UP SVMB) het onlangs verneem dat sy aansoek suksesvol was. Die netwerk van MNR-samewerkingsentrums vir malariabeheer sal gesamentlik ín multidissiplinÍre benadering tot malarianavorsing bied; malarianavorsingspogings koŲrdineer om gemeenskaplike doelwitte te bereik; en wetenskaplike samewerking onder malarianavorsers in Suider-Afrika fasiliteer.
[Lees Meer]
 
Borskanker is nie ín doodsvonnis nie - 29/10/2014
In Suid-Afrika word jaarliks een uit elke 29 vroue met borskanker gediagnoseer. Hoewel meeste mense van borskanker bewus is, neem baie van hulle nie die nodige stappe om die siekte in ín vroeŽ fase op te spoor en om andere aan te moedig om dieselfde te doen nie. Meeste van ons is bevrees om die woorde, ďJy het kankerĒ, te hoor omdat die siekte ongetwyfeld ín ernstige invloed op alle gebiede van ín mens se lewe het. Me Jonita van Wyk, wat vroeŽr hierdie jaar haar meestersgraad in Maatskaplike Werk (Gesondheidsorg) in die Departement Maatskaplike Werk en Kriminologie aan die Universiteit van Pretoria verwerf het, het navorsing oor die sosiale funksionering van vroue met borskanker gedoen. Haar studieleier was dr Charlene Carbonatto.
[Lees Meer]
 
Fakulteit Regsgeleerdheid bied vanaf Januarie 2015 ín MPhil-graad in Geneeskundige Reg en Etiek aan - 28/10/2014
Die Universiteit van Pretoria se Eenheid vir Reg en Geneeskunde in die Departement Publiekreg in die Fakulteit Regsgeleerdheid kondig met trots aan dat hy vanaf 2015 ín MPhil-graad in Geneeskundige Reg en Etiek sal aanbied. Die kursus sal uit drie nuwe nagraadse modules bestaan, naamlik Teorie en praktyk van geneeskundige reg en geneeskundige etiek, Toegang tot gesondheidsorg en mediese wanpraktyklitigasie en Regsgeneeskundige kwessies.
[Lees Meer]